ОУУБИС-ийн Солонгос судлалын хүрээлэнгээс 2025.02.13-нд “БНСУ-ын Үндэсний Ассамблей, сонгууль, иргэний нийгэм” сэдэвт солонгос судлалын 10 дахь семинарыг зохион байгууллаа. Тус семинарт МУИС, УТОУХНУС-ийн Улс төрийн тэнхимийн тэнхимийн профессор, доктор Ж.Төртогтох “БНСУ-ын Үндэсний Ассемблейн үүсэл хөгжил: чиг үүрэг ба сонгууль” болон Хангүг Гадаад Судлалын их сургуулийн тусгай лекцийн профессор, доктор И Дэ Хаг “БНСУ-ын улс төр, иргэний нийгмийн хөгжил” сэдэвт илтгэлээ тус тус хэлэлцүүллээ.
Солонгост улс төр, нийгмийн байдал ээдрээтэй байгаа өнөө үед Үндэсний Ассемблейн түүх, өнгөрсөн үеийн ололт хийгээд бүтэлгүйтэл, чиг үүрэг, сонгуулийн тогтолцоо мөн иргэд бидний нийгмийн оролцоо улс орны олон салбарын хөгжилд ямар том хувь нэмэр болдгийг бодит жишээн дээр тулгуурлан олж мэдэхээс гадна хамтдаа хэлэлцсэн семинар болж өнгөрлөө.
Манай дараагийн 11 дэх семинар ирэх 4 сард зохион байгуулагдах тул та бүхэн өргөнөөр оролцоно уу. Мөн сонирхсон сэдэв, судлаач эрдэмтдийн талаарх санал, мэдээллээ мөн ирүүлбэл бид цаашдын ажилдаа тусгаж ажиллах болно.
📞koreanstudies@ulaanbaatar.edu.mn
